CEBU, Philippines — Usa ka magbabalaod sa dakbayan sa Sugbo nangayo og hustisya alang sa onse ka mga atleta kansang mga rekord wa gi recognize atol sa Palarong Pambansa 2024.
Sa miaging regular nga sesyon, Hulyo 24, 2024, si Konsehal Mary Ann de los Santos mibarog atubangan sa konseho sa dakbayan aron paghatag sa iyang privilege speech kalabot sa bag-o lang natapos nga Palarong Pambasa.
Lakip sa iyang resolving clause mao ang pag congratulate sa siyudad ug sa nagkalain-laing mga komitiba nga nilihok alang sa malampuson nga Palaro.
Bisan pa sa malampuson nga pagtapos, gilatag ni de los Santos ang usa ka kasaypanan nga kinahanglan sulbaron.
Subay niini, nipasaka usab siya og laing resolusyon nga naghangyo sa buhatan ni acting Cebu City Mayor Raymond Alvin Garcia nga ihatag ang resulta sa imbestigasyon sa “critical error” nga giatubang atol sa Palarong Pambansa 2024.
Gitumbok ni de los Santos ang track oval sa Cebu City Sports Center (CCSC) nga maoy nag-unang venue sa pipila ka sporting events nga alang kaniya nahimong “kaulawan” sa dakbayan sa Sugbo.
Matud ni de los Santos, dili mabasol ang media sa pag-highlight sa giingon nga kritikal nga sayup nga nagpadayag nga ang lining sa track oval mubo ug dili standard.
Tungod niini, onse ka mga rekord sa Palaro ang wala gi recognize nga nakaapekto sa 19 ka mga atleta gikan sa lainlaing rehiyon.
"Yet no one has apologized for the critical error, why has no one have taken ownership of this mistake and apologized? If we give credit where credit is due, shouldn't we also ask where the backstops where the responsibility and accountability are seen," siya miingon.
Si De los Santos, nga usa ka atleta nga miapil sa pipila na ka mga marathon, miingon nga siya adunay lawom nga koneksyon sa iyang mga kakompetensya.
"I am genuinely disheartened by an oversight that led to the nonrecognition of the record-breaking performance at this alarming Pambansa," matud pa niya.
Dugang pa ni De los Santos nga personal kini nga sentimento nga iyang gipadayag isip indibidwal ug dili representante sa siyudad.
"I extend a heartfelt apology to all the athletes and coaches affected by this situation," si delos Santos.
Dugang pa, gipangita ni de Los Santos ang mga tubag kung kinsa ang responsibilidad sa maong kasaypanan.
Siya midugang nga kinahanglan tukion kini sa siyudad aron makakuha og mas klaro nga hulagway kung kinsa ang angay manubag.
Gitataw hinuon niya nga samtang nagpaabot sa pagbutyag sa mga tubag, klaro nga ang rehabilitasyon sa track oval ubos sa kontrol ug supervision sa Cebu City Government lakip na ang bidding ug ang awarding sa kontraktor nga SBD Builders.
“We were promised late last year that the target completion date for the renovation was February 2024,” ingon pa ni de los Santos.
Matod niya, bisan pa sa pagkalangan sa proseso sa bidding, ang CCSC gisirhan niadtong Mayo 18, 2023, alang sa renovation.
Samtang iyang gibutang ang timeline sa rehabilitasyon sa track oval, iyang gipasiugda nga pipila ka semana sa wala pa ang aktuwal nga pag-abli, ang mga trabahante makita gihapon nga nangandam sa pagbutang sa lining.
Gikasubo ni los Santos nga iyang namatikdan nga ang momentum sa dakbayan sa pag-host sa tibuok siyudad o national events sama sa Sinulog ug Palarong Pambansa, dili consistent.
Gipresentar usab ni de los Santos ang sitwasyon sa track oval human sa Palarong Pambansa diin pipila ka bahin pareho of aspalto, ug lapok sa South Road Properties (SRP) nga gigamit sa venue sa Sinulog. Gipasangil niya kini nga mga hinungdan sa walay tarong nga pag obserbar sa curing.
Gitataw usab niya nga ang komite sa teknikal adunay igong oras aron masiguro nga ang tanan nga pasilidad anaa sa standard
Sa katapusan, si de los Santos usab miingon nga ang Palarong Pambansa hosting 2024 usa ka butang sa paghatag og hustisya sa mga atleta ug sa ilang mga rehiyon aron sa pagsiguro nga sa ilang umaabot nga mga dula, ang 2ilang mga rekord ma recognize.—IBM BANAT NEWS