CEBU, Philippines — Pahatagan og dugang pagtagad ni Acting Cebu City Mayor Raymond Alvin Garcia ang sektor sa Person with Disability hilabi na mao kini sila ang sektor nga kasagarang makalimtan.
Atol sa National Disability Rights Week niadtong Lunes si Garcia namulong atubangan sa mga PWD sa siyudad ug nipasalig nga hatagan sila og pagtagad sa gobiyerno ilabi na sa mga ayuda nga alang kanila.
Matud ni Garcia nga ang Siyudad sa Sugbo wala nagkulang ngadto sa gatusan ka PWD gikan sa 80 ka barangay tungod kay naghatag sila og tag P12 mil nga ayuda matag tuig aron adunay mga magamit sa ilang galastohon ang mga PWD.
Ang National Disability Rights Week adunay mga nagkadaiyang kalihokan nga giandam ug matapos kini karong Hulyo 28, 2024.
Atol sa kasaulogan adunay mga seminar nga ipahigayon, concert for a cause ug uban pa.
Adunay gipaambit nga napulo ka wheelchair gikan sa buhatan sa Office of the Presidential Assistance in the Visayas. BDB BANAT NEWS