CEBU, Philippines — Gipahibalo sa Department of Health Central Visyas nga nagkanayon nga nagkasaka ang mga kaso sa Human Immunodeficiency virus (HIV) dinhi sa Cebu City.
Ang Regional Director (DOH 7) Dr. Jamie Bernades mibutyag nga ang Cebu City maoy ikaduha sa talaan sa tibuok nasud nga dunay pinakadaghan og natakboayn og HIV.
Matud pa ni Bernades sa media kagahapon sa adlawng Lunes, Hunyo 1,2024 atol sa gipahigayon nga press conference sa Apas sa Dakbayan sa Sugbo, kun dili mapugngan ang pagtaas sa mga kaso sa HIV dinhi sa Cebu City posible nga mabutang gayod sa number one spot ang siyudad sa tibuok Asya.
Nagkanayon si Bernadas nga kining unprotected sex, paghilawas sa parehong lalaki ug ang mga injectable drug users maoy nag-unang hinungdan nganong natakboyan sila sa maong sakit.
Sumala ni Bernades libre ang mga tambal sa HIV sa mga available na treatment hubs mao ang Vicente Sotto, Cebu City Health Office ug ubang mga treatment hubs nga accredited sa DOH.
"Libre ang testing naa sa tambalanan labi na sa atong City Health Office ug sa Department of Health hospitals, libre gihapon na ang pagpa-testing", dugang ni Bernades.
Gawas sa mga hamtong nga nataptan niini, dunay mga kaso nga natakboyan ang bag-ong gipakatawong masuso sa HIV sa inahan.
"Bisan unsa nga sexual contact should be protected kung dili siya nimo permanent partner," dugang ni Bernades. -- Jessa Grezil Bacus (BANAT NEWS)