CEBU, Philippines — Duha ka mga batan-ong lalake ang nadakpan sa gihimong operasyon sa Regional Police Drug Enforcement Unit(RPDEU) sa Police Regional Office ug City Drug Enforcement Unit sa Cebu City Police Office sa managlahi nga mga Barangay sa dakbayan sa Sugbo, Mayo 30, 2024.
Unang nadakpan si alyas Sam, 18 anyos, residente sa Barangay Guadalupe.
Ang suspetsado nakuhaan og 70 gramos sa gituohang shabu nga nagkantidad og P476,000.
Gipaubos sa duha ka semana nga surveillance ang suspetsado ug nasuta nga kini maka dispose og 100 grams sa gituohang shabu nga kada semana.
Samtang alas-11 sa gabii sa samang adlaw, nadakpan sa CDEU CCPO si alyas Botitong sa Ludo Cemetery, Barangay Carreta ning siyudad.
Nakuhaan ang suspetsado og 5 gramong gituohang shabu nga mobalor og P34 mil.
Kasong kalapasan sa Section 5 ug 11, Article II sa Republic Act 9165 ang mga suspetsado.
Sa pikas bahin, ang kapolisan sa Lapu-Lapu City Police Office (LCPO) nakadakop og 201 ka mga malapason sa balaod sa usa ka adlaw nilang Simultaneous Anti-Criminalityas Law Enforcement Operation (SACLEO).
Ang 201 ka tawo sa nagkalainlaing kalapasan nga ilang nahimo ug nasakmit usab nila ang 5, 108.5 gramo nga shabu nga nagkantidad og P34,737,800 base sa Dangerous Drug Board (DDB) value niini. -- Decemay P. Padilla, Romeo D. Marantal ug Romeo Limpangog/IBM BANAT NEWS