CEBU, Philippines — Makadawat og subsidies nga mokantidad og P6.4 million ang award winning nga Rosquillos Festival sa lungsod sa Liloan.
Segun sa tahu sa Sugbo News ang News portal sa Kapitolyo nga ang maong ayuda maggikan sa Kapitolyo, Department of Tourism Secretary Christina Garcia-Frasco, ug ni Deputy Speaker ug fifth district Congressman Duke Frasco.
Gipahibawo ni Fifth district Board Member Red Duterte nga ang lungsod makadawat og P2 million alang sa ubang mga gastohan. Sa maong kantidad P4.2 million niini gikan sa Kapitolyo.
Dugang niini ang matag 11 ka contingents gikan sa clustered barangays ang makadawat og P200,000 matag usa nga financial assistance.
Si Secretary Frasco midugang og laing P1.1 million alang sa 11 ka contingents nga makadawat og dugang P100,000 matag usa.
Si Deputy Speaker Frasco mitugbang sa maong kantidad ug mohatag usab og dugang aid nga P1.1 million alang sa mga contingents, nga sigurado na nga modawat og tag P400,000 matag contingents.
Ang Rosquillos Festival, saulogon matag ika-upat nga Sabado sa buwan sa Mayo agig pasidungog sa ilang patron nga si San Fernando El Rey. —The Freeman