Naaktohang mihimulbol sa sakyanan, sikop

This photo shows a picture of a hand in handcuffs.
Pixabay / File

CEBU, Philippines — Duha ka gipasanginlang mga kawatan ang nadakpan human ilang gihimulbolan og piyesa ang usa ka gi-parking nga sakyanan diha sa Cebu South Coastal Road (CSCR) sa habig sa Barangay San Isidro, Dakbayan sa Talisay niadtong miaging adlaw.

Ang 64- anyos nga reklamante nga tag-iya sa sakyanan nagpakitabang sa kapolisan human iyang nasakpan ang duha ka suspetsado. Ang mga suspek nagpangidaron og 23 ug 31 anyos.

Gisikop ang duha sa mirespondeng polis human ilang gipangkuha ang wire, tail light frame, hose brake, flashlight, handbrake, hand shovel, battery cable, battery cable clamp, metal scraps, 10- wheeler propeller shaft ug mga tools.

Gibana-bana nga mokantidad ang mga butang nga kinawat sa P30 mil kapin ug kulang.  Ang mga kinawat nabawi ra ug nasikop ang duha ka mga suspek.

Gikatakda nga pasakaan og kasong pangpangawat ang duha karong adlawa. — /IBM (BANAT NEWS)

Show comments