CEBU, Philippines — Gideklarar sa kagamhanan sa Lungsod sa Cordova ang Centennial Road nga nagtadlas sa Barangay Alegria isip usa ka discipline zone area.
Ubos sa maong deklarasyon sa discipline zone himoon ang higpit nga pagpatuman sa national ug lokal nga mga balaod apil na ang executive order nga giluwatan ug mga ordinansa nga gipatuman sa lokal nga kagamhanan.
Naglakip niini ang pagdili sa pagpanigarilyo, pag-inom og ilimnong makahubog sa maong dapit, dili magpataka og labay og basura, paghugawhugaw gamit ang pintal ug uban pa.
Higpit usab nga gidili ang pagparking og sakyanan, pag-estambay sa maong lugar ug adnay gipatuman nga curfew sa maong lugar. Si Cordova mayor Cesar “Didoy” Suan nakigtigum uban sa kapolisan ug Cordova Traffic Management uban usab sa mga personnel sa Cordova Municipal Disaster Risk Reduction and Management Office (MDRRMO).
Giklaro sa mayor nga gidili usab ang pagpaninda diha sa sidewalk sa Centennial.