CEBU, Philippines — Nagpadayon karon ang nakasinati nga kakuwang sa supply sa tubig sa pipila ka mga barangay sa Siyudad sa Mandaue gumikan sa grabeng kainit sa panahon.
Nagpadayon usab ang kamandoan ni Mayor Jonas Cortes sa pagrasyon og tubig ngadto sa mga barangay nga nihit ang supply sa tubig.
Ang maong kamandoan ni Cortes gisuportahan usab kini City Councilor Jun Arcilla.
Sa iyang kaugalingong tabang gipahatdan usab ni Arcilla og tubig ang mga apektado nga barangay.
Nasayran nga si Cortes nimando usab sa Department of General Services sa pagrasyon og tubig ngadto sa mga lugar nga apektado o nihit ang supply sa tubig.
Naglakip sa iyang gihimo mao ang pagpaayo sa mga poso sa tubig sa kabarangayan nga mahimong kadangpan sa pagkuha og tubig sa mga molupyo. BDB BANAT NEWS