CEBU, Philippines — Mopatawag si Mayor Michael Rama sa Dakbayan sa Sugbo og convergence alang sa mga nagkadaiyang stakeholders aropn sa pagpangandam kong adunay seryoso nga power crisis.
Matud ni Rama nga mohimo na usab sila og convergence ug brainstorming aron makakuha og mga inputs sa tanang mga sector kong unsaon pag-deal sa pagkubos sa power supply nga moresulta sa brownout.
Si Rama mangita og paagi aron mamenosan ang epekto sa dobleng krisis sa tubig ug kuryente gikan sa unsay isugyot sa focused group discussion.
Ang mayor nagpahigayon og sunod-sunod nga convergence meetings aron matubag ang mga kabalaka sa publiko sukad sa pandemic hangtud na sa epekto sa El Niño ug uban pa.
Gipaneguro sa mayor nga dalhon niya sa kahiusahan ang tanan. BDB BANAT NEWS