CEBU, Philippines — Padayon gihapon ang pagsuspenso sa klase sa mga pampublikong tunghaan sa Probinsiya sa Sugbo tungod sa taas nga heat index gumikan sa El Ni o.
Niadtong Abril 5, unang niluwat og memorandum si Gobernador Gwendolyn Garcia ngadto sa tanang mayor ug opisyal sa Department of Education (DepEd) sa probinsiya nga nagmando sa pagsuspenso sa klase hangtud sa dugang nga pahibalo tungod sa grabeng kainit nga nasinati sa Sugbo.
Matud ni Garcia nga padayon gihapon ang pagsuspenso niya sa klase tungod kay abnormal ang heat index ug dili siya gusto nga mahimong responsable sa pagpugos sa mga bata nga mo eskwela nga grabe ang kainit sa panahon.
There are those nga moiingon, Da, mao ra gihapon kay ang mga bata magduwa ra gihapon, moadto s gawas. Well at least, dili nana responsibilidad sa eskwelahan.
Responsibilidad nana sa ginikanan. Or would you rather nga eskwelahan diay magbantay sa inyong mga anak? , ni Garcia pa.
Sayo pa, ang PAGASA nagkanayon nga padayon gihapong masinati ang grabeng kainit sa panahon nga molungtad pa sa sunod bulan tungod sa dry season ug El Ni o nga nakatampo sa grabeng kainit. (BANAT NEWS)