Mga apektado sa demolisyon aduna nay kabalhinan

CEBU, Philippines — Mga apektadong pamilya sa nagpadayong demolition diha sa Sitio Gemilina, Barangay Quiot, Dakbayan sa Sugbo ang adunay kabalhinan nga luna gawas sa ilang madawat nga materiyales aron makapabarug sa ilang mga pinuy-anan.

Kini ang gipahibalo sa pangulo sa Division for the Welfare of the Urban Poor Mark Lester Ceballos.

Ang DWUP nakahibalo na niini dihang nag-ong-ong pa lang ang demolition hinungdan nga nakapangandam sila pinaagi sa gihimo nga pre-demolition conference ug socio-economic survey ngadto sa mga maapektohan aron ilang masayran ang tabang nga ilang madawat.

Gibutya ni Ceballos nga ang maong luna nga gipuy-an sa mga apektado nga residente gipanag-iya kini og pribado diin giingong gamiton na kini sa tag-iya.

Nasayran nga 53 ka pamilya ang apektado sa maong pagpapahawa ug 38 ang nipili nga ibalhin, duha wala pa makahukom ug adunay 10 ang nidawat sa hinabang financial.

Ang relocation sa mga magpabalhin anha sa Sitio Nangkaville, Barangay Quiot diin makasugod na sila pagtukod karong semanaha. Ang maong luna nga ilang balhinan gipanag-iya kini sa siyudad. BDB BANAT NEWS