CEBU, Philippines — Pasakaan na og kasong murder sa kapulisan sa Dakbayan sa Naga ang mga suspek sa pagpusil patay sa usa ka 18-anyos nga Grade 12 student sa Barangay Pangdan, Dakbayan sa Naga niadtong kaadlawon sa Abril 14, 2024.
Kahinumduman nga upat ang mga suspek sa maong krimen diin apil na niini ang 35-anyos nga kanhi uyab sa babayeng uyab sa biktima dihang nahitabo ang pagpamusil.
Matud ni Police Major Windel Abellana, tigpamaba sa Cebu Police Provincial Office ang affidavits nalang sa pamilya sa biktima ang ilang gipaabot.
Ang kapolisan duna nay nahipos nga mga affidavits ang babayeng kuyog sa biktima ug uban pang mga testigo.
Wala gisalikway sa kapulisan nga selos ang motibo sa krimen ug padayon sab ang ilang hot pursuit operation. (BANAT NEWS)