CEBU, Philippines — Wala mopakita og pagsupak ang mga informal settlers nga nahimutang sa three-meter easement sa Estero de Parian sa giplanohan nga relocation alang kanila.
Sa nasayran duha ka tigum ang gipatawag sa Task Force Gubat sa Baha ug river commander nga si Aderson Comar aron susihon og ilhon ang maong mga informal settlers nga naa nanimuyo sa daplin sa sapa.
Kini gilangkuban sa mga informal settles sa barangays Sto.Nino, Tinago ug San Roque.
Ang maong tigum gitumong aron sila pahibaw-on kabahin sa plano sa kagamhanan sa dakbayan sa Sugbo sa hingpit nga pagpabalhin kanila sa dili madugay.
Hinuoon wa pa ibutyag kun asa nga lugar ang giplanohan nga relocation.
Segun sa tahu sa News and Information team sa siyudad, ang mga apektadong settlers gipasaligan nga ibalhin sa mas luwas nga lugar itande sa ilang kasamtangan nga gipuy-an karon nga sagad mosaka ang tubig.
Sa higayon nga mabalhin na ang maong mga informal settlers ang TF-Gubat sa Baha ubos sa pamunuan ni ret. Major General Mel Feliciano ang mopahigayon gilayon sa clearing operation.
Ang maong lakang gitinguha ubos sa pamunuan ni Cebu City Mayor Mike Rama aron masulbad ang problema sa pagbaha dinhi sa dakbayan.
Gawas niini gipaabot nga ang maong lakang maoy makabuhi pagbalik sa giisip nga dead rivers sa siyudad tungod og alang sa umaabot ngahenerasyon (BANAT NEWS)