CEBU, Philippines — Moabot 63 ka mga panimalay ang apektado sa sunog nga niulbo sa Sitio Brupa, Barangay Sambag 2 ning Dakbayan sa Sugbo alas-3 pasado kagahapon sa hapon adlaw nga Lunes.
Ang sunog giingong anha nagsugod sa balay ni May Sandalo nga gipuy-an sa usa ka Samantha Claire Talon.
Ang alarma gideklarar ubos sa 4th alarm pagka alas-5 sa pasado ug hangtud ning pagsuwat sa balita wala pa madeklarar nga under control sa kabomberohan. Gibana-bana moabot ngadto sa P7.5 milyones ang danyos niini. Matud pa ni Senior Officer 2 Wendell Villanueva, usa sa mga nasugatan nilang problema mao ang kahagip-ot sa lugar, naglisod pagsulod ang mga fire fighting units.
Gisusi karon ang posibilidad nga kuryente ang hinungdan niini apan padayon pa ang imbestigasyon sa tinud-anay nga nahitabo. (BANAT NEWS)