P66.4 milyong pinansiyal nga hinabang nahatag sa Kapitolyo ngadto sa 3rd district

MANILA, Philippines — Nikabat ngadto sa P66.4 milyones ang gihatag nga tabang pinansiyal sa Probinsiya sa Sugbo sa mga lokal nga kagamhanan sa ikatulong distrito.

Atol sa ikapito nga caravan of services sa Probinsiya sa Sugbo diha sa Lungsod sa Aloguinsan gitunol ni Gobernador Gwendolyn Garcia ang maong financial assistance sa mga mayor ug mga representante sa LGUs.

Ang Lungsod sa Aloguinsan nakadwat og P9.2 milyones; sa Lungsod sa Barili, P9.5 milyones, sa Lungsod sa Pinamungajan, P10 milyones; Lungsod sa Balamban, P7.4 milyones; Lungsod sa Asturias, P10.3 milyones; Lungsod sa Tuburan, P10.5 milyones ug  Siyudad sa Toledo, P9.2 milyones.

Samtang 22 usab ka barangay ang nakadawat og tabang pinansiyal gikan sa Kapitolyo.

Ang maong pundo gamiton sa mga LGU alang sa pagpatuman og mga proyekto sa imprastraktura.

Ang caravan of services sa Probinsiya sa Sugbo ipahigayon sulod sa 40 ka higayon matag tuig diin mohatag og libreng serbisyo ang Kapitolyo ug ubang ahensiya sa gobiyerno.

Lakip sa mga serbisyo mao ang medical service, legal service ug uban pa. — /BDB (BANAT NEWS)