Top 9 Most Wanted sa Central Visayas nadakpan
CEBU, Philippines — Nadakpan sa mga tinugyanan sa balaod ang Top 9 most wanted person sa rehiyon niadtong adlaw’ng Miyerkules, Pebrero 14, 2024 kini base sa impormasyon nga gipagawas sa Police Regional Office (PRO)-7.
Sa report sa Police Regional Office-7 si alyas Mer nga residente sa dakbayan sa Talisay nadakpan alas 4:30 sa hapon atol sa Valentine’s Day pinaagi sa joint operation sa Provincial Intelligence Unit/Provincial Drug Enforcement Unit ug Talisay City Police Station ubos sa Cebu Police Provincial Office (CPPO).
Siya gidakop pinasikad sa warrant of arrest sa kasong tulo ka ihap sa statutory rape nga gi-isyu ni Presiding Judge Romeo Abello Reyes sa Regional Trial Court Branch 7 ug wala’y piyansa nga girekomendar.
Si PRO-7 Regional Director Brigadier General Anthony Aberin miingon nga gihingusgan sa kapulisan sa Central Visayas ang ilang police operations ug intelligence driven initiatives batok sa mga indibidwal na nga mga pinangita sa balaod.
- Latest
