CEBU, Philippines — Gipalig-on karon sa Cordova Police Station ang ilang relasyon ngadto sa kumunidad pinaagi sa ilang gipasiugdahan nga "Purok Visitation."
Si Police Major Michael Gingoyon, hepe sa kapolisan sa maong lungsod maoy nangulo sa maong kalihokan.
Tuyo ni Major Gingoyon nga mapaduol sa mga molopyo aron makukabildo ug masayod sa kahimtang sa kahapsay ug kalinaw sa lungsod.
Pinaagi sa pagpakigsandurot sa kapolisan ngadto sa mga molopyo sa kabarangayan naghatag kini og dakong kahigayonan sa paghatag sa ilang pagsalig sa kapolisan nga maoy naghatag kanila og kasiguroan sa pagbantay batok sa mga dautan ug sa bisan unsa nga krimen.
Subay niini padayong gidasig ang katawhan nga motahu gilayon sa mga otoridad kun makamatikod nga dunay mga tawo nga kahibudngan og mga lihok. (BANAT NEWS)