Pagbalhin sa duha ka skywalk ipadayon na
CEBU, Philippines — Human sa duha ka buwan nga suspension napadayon na ang pagtang-tang ug pagbalhin sa duha ka skywalk nga maapektohan sa proyekto sa Cebu Bus Rapid Transit (CBRT).
Gikompirmar kini ni Konsehal Jerry Guardo, chariman sa Committee on Infrastructure sa konseho ug sa CBRT page niadtong Pebrero 13, 2024.
Ang unang skywalk nga tangtangon ug ibalhin mao ang anaa duol sa Fuente Osme a diin sugdan og tang-tang ang atop niini.
Si Guardo nagkanayon nga ang maong lakang subay kini sa direktiba ni Cebu City Mayor Michael Rama.
Si Guardo nikuha og mga consultant aron luwas sa mga debris ang pagbalhin sa skywalk.
Nasayran nga gikan ang mga consultant sa Department of Transportation (DOTr) ug uban pang mga engineering consultant sa ubang mga contractor.
Matud ni Guardo ipamalhin sa South Road Properties ang mga debris subay sa kamandoan ni Rama.
That is also being subjected to audit sa COA we have to keep safe, sad sa mga debris nga usable pa siya , padayag ni Guardo.
Si Guardo nagkanayon nga moabot ngadto sa duha ka semana ang pagtang-tang ug pagbalhin sa mga skywalk tungod kay dili kini mahimo nga dunganon.
They have to coordinate with CCTO if there is a need for the total closure while ongoing ang clearing operations sa mga contractor, para safety lang sad ang pedestrians including mga vehicle , dugang ni Guardo. (BANAT NEWS)
- Latest
