Kalambuan sa drainage project sa Mandaue gituki

CEBU, Philippines — Gituki ang nagpadayong nga kaugmaran sa drainage project sa panagtigom niadtong miaging adlaw sa mga sakop sa Drainage System and Flood Control Management Committee sa siyudad sa Mandaue.

Sa mao nilang panagtigom maoy ilang gihisgotan ang mga kalamboan sa proyekto sa drainage nga gipatuman sa kagamhanan sa maong dakbayan.

Nasuta nga nagpadayon gihapon ang pagtrabaho sa mga proyekto nga may kalambigitan sa pagsulbad sa problema sa baha sa higayon nga mobunok ang uwan sa siyudad sa Mandaue.

Lakip sa gituki sa meeting ang mga drainage projects sama sa under-implementation sa Butuanon River Level 1, Road Opening and Drainage Project, Transmission Line Tower Project ug uban pang mga proyekto.

Gihisgotan ang mga Program of Works and Estimate (POWE), Construction Updates, pag-ayo sa drainage sa Consuelo Village, Veco Pole Transfer sa Consuelo Village ug uban pang dredging related works.

Apil sa mitambong sa meeting mao si City Councilor Jen Del Mar, ang Environment Committee, ug uban pang kadagkoan sa Drainage Committee. (BANAT NEWS)