Mga contractor sa drainage project gitapok ni Chan

CEBU, Philippines — Si Mayor Junard  Ahong  Chan sa Dakbayan sa Lapu-Lapu nakigtagbo sa tanang m contractor sa tanan sa road construction ug drainage project sa siyudad alang sa usa ka tigom diha sa iyang buhatan.

Tumong sa maong tigom aron pangayoan sa ilang commitment ang matag contractor nga paspasan ang ilang mga trabaho ug ipabilin usab ang kalidad sa ilang mga proyekto.

Nipadayag sa iyang pasalamat si Chan ngadto sa mga contractor sa kakugi sa ilang mga trabaho ug pagpakita sa ka importante sa maong mga proyekto nga mosulbad sa mga baha, pag-ayo sa mga guba nga dalan ug uban pa.

Gipasabot ni Chan nga ang kahimtang sa mga motorista nga malangan tungod sa traffic nga resulta sa wala pa nahuman nga mga proyekto sa karsada.

Matud ni Chan nga nangayo usab og dispensa ang mga contractor ngadto sa katawhan ug nangayo usab sa pagpasabot.

Si Chan nihangyo sa tanan nga magtinabangay ug magsinabtanay ug patas-an pa ang mga pasensiya tungod kay gihimo ang tanan alang sa kasulbaran sa problema sa siyudad.   BDB BANAT NEWS