Salisi Gang ug mga mangunguot nasikop
CEBU, Philippines — Duha ka grupo sa mga mangunguot ug salisi gang ang nadakpan sa kapolisan sa Central Visayas nga nipahimulos sab sa kadaghang tawo atol sa Fiesta Señor ug Sinulog Festival.
Sa upat ka mangunguot nga nadakpan duha niini ang dayo nga gikan sa Luzon samtang ang laing usa taga Sugbo ug lain-laing ang ilang operasyon.
Nadakpan niadtong Enero 20 sa Mabolo Police Station 4 sila si Ma. Ann Mantilla, 27 anyos, taga Makita City ug Ma. Joplin Sison, 28 anyos, taga Taguig City sila miyembro sa Salisi Gang.
Giingong niabot sila sa Sugbo niadtong Enero 18 dayon pagka petsa 19 nakabiktima sa usa ka bar diha sa Barangay Kasambagan apan pagka petsa 20 nibalik sila sa dapit ug didto na gidakop sa kapolisan.
Samtang niadtong Enero 21, 2024 nadakpan si John Bultron Borromeo, 33 anyos, nga taga sitio Tugas, Barangay Mambaling ug ang gibiktima niini usa ka OFW nga nakuhaan og I Phone sulod sa usa ka mall diha sa South Road Properties.
“Other than that two groups we were not able to record any incidents pertaining to this kind of crime during Sinulog…Kining duha ka grupo they are different kay kining usa purely local mga bisaya ra but katong duha nga nadakpan sa Mabolo they are from Luzon but we have information that they were also in Bacolod during the last festival in Bacolod, they were also arrested”, ni Lt. Col. Pelare pa.
Gidayeg sa PRO-7 ang kapolisan sa abtik nga pagdakop sa mga badlungon sa katilingban. MEL BANAT NEWS
- Latest
