Palma: Isentro kanunay ang pagtuo ngadto sa Ginoo

CEBU, Philippines — Giawhag ni Cebu Archbishop Jose Palma sa iyang homily sa Pontifical Mass sa kapistahan ni Se or Santo Nino diha sa Basilica Minor del Santo Ni o ang mga relihiyosong  Katoliko nga isentro  kanunay  ang pagtuo ngadto sa Ginoo ug sa pagpakita kanunay sa paghigugma uban ang pagpakiglambigit sa kahapsay ug kalinaw.

Gilakbitan usab sa arsobispo ang mga hagit nga giatubang sa Sugbo ug sa nasud nga Pilipinhon sa nanglabay nga katuigan.

Naglakip niini ang linog nga nahitabo niadtong tuig 2013 ug ang super typhoon Yolanda nga nikuso-kuso sa nagkdaiyang dapit sa nasud.

Gisundan kini sa coronavirus disease (Covid-19) pandemic ug ingon man ang typhoon Odette nga nikuso-kuso sa Sugbo ug tibulok Kabisay-an.

Samtang gilakbitan usab ni Palma ang mga kalamposan sa mga kalihokan nga gihimo sa mga  simbahan dinhi sa Sugbo nga naglakip nini ang 2016 Eucharistic Congress ug ang pagsaulog sa Cebu's 500 years of Christianity.

Nunot niini, gihimug-atan sa arsobispo ang gipakita nga pagsuporta sa mga Sugboanon ug ang ilang walay paghunong nga kamatinod-anon sa pagtuo ngadto sa Ginoo.

Gipadayag usab sa arsobispo ang gipakitang maayong pagtagad sa mga kapariang Agustino sa Basilica tungod sa ilang pagtugot sa Sagrada Pamilya nga makaapil sa fluvial procession sa niaging Sabado.

Nunot niini, gidasig ni Palma ang mga deboto sa pagsunod kanunay sa mga lakang ni Se or Sto. Nino nga isip anak nagmasinugtanon kini ngadto sa iyang inahan nga si Birhen Maria ug iyang amahan nga si San Jose. — /BDB (BANAT NEWS)