Kapolisan sa Talisay moplastada sa utlanan sa Cebu City

CEBU, Philippines —  Ang kapolisan sa Dakbayan sa Talisay moplastada diha sa utlanan sa Siyudad sa Sugbo.

Kini maoy gipahibawo ni Police Lieutenant Colonel Wayne Magbanua, hepe sa kapolisan sa siyudad.

Matud ni Magbanua nga usa kini sa ilang pagtabang sa paghatag og seguridad panahon sa pagsaulog sa Sinulog.

Sa maong kalihokan daghan ang tawo ug ang ilang presensiya makatabang kini ngadto sa mga nagkinahanglan.

Gipahimangnoan ni Magbanua ang katawhan nga magbinantayon sa mga kriminal o daotang elemento kinsa mopahimulos sa higayon kong daghan ang tawo.

Gibutyag ni Magbanua nga ilang gihingusgan ang ilang intelligence monitoring kalabot sa pag-ila sa mga kriminal.

Hinuon sa ilang pagsusi walay mga grupo sa kawatan o tulisan nga dayo ang naabot sa Dakbayan sa Talisay.

Giingong ang mga badlongon mohimo kini og modus panahon sa Sinulog. BDB (BANATNEWS)

Show comments