CEBU , Philippines — Si Kapitan Lourdes "Lulu" Ramirez sa Barangay Santo Ni o nipahimangno sa mga mobisita ni Santo Ni o nga dili motubay sa tawo nga dili nila mga kaila aron dili sila mabiktim sa budol.
Matud ni Ramirez nga dili angay makighinabi o mosalig dayon ang mga magtutuo sa mga mobisita sa Sugbo tungod kay pipila ka mga tawo ang nidangop sa ilang buhatan ug nireklamo tungod kay nabudol.
Si Ramirez nagkanayon nga ang mga bitika nibutyag nga makig-estorya kanila ang mga mangingilad unya adunay giingong ibilin kanila hulip sa ilang mga gamit kay giingong mobalik apan dili na diay.
Matud usab ni Ramirez nga angay ng magmatngon ug mag-igmat ang katawhan aron dili sila mabiktima sa mga mapahimuslanong tawo.
Ang Barangay Santo Ni o adunay gihimo nga drop off point alang sa mga magtutuo nga adunay bitbit nga mga backpack ug dagkong bag aron sila makasimba ug makayukbo kang Santo Ni o. Dugang ni Ramirez nga padayon gihapon silang alerto sa tanang panahon lakip usab ang ilang mga barangay tanod. (BANAT NEWS)