Namuyo sa lahug river giplanohan na nga pabalhinon
CEBU, Philippines — Dili mominos sa usa ka libo ka mga households nga nagpuyo sa Lahug River ang ibalhin sa kagamhanan sa Dakbayan sa Sugbo karong tuiga.
Ang Lahug River Commander nga si Joelito Baclayon, nibutyag nga ang Task Force Gubat sa Baha mopabalhin sa mga apektado nga residente sa higayon nga matumbok na ang relocation site.
Sumala pa ni Baclayon ang 1,115 ka households andam na nga mopahawa sa lugar sa higayon nga aduna nay relocation.
Ang taskforce nagtinguha nga kuhaon ang 3meter easement sa Lahug river aron sa pagsiguro sa kaluwasan sa mga residente nga nanimuyo sa nahisgutang dapit ilabi na sa higayon nga dunay bagyo ug mga pagbaha.
Aduna hinooy timailhan nga sundon ang demolition team sa higayon nga gub-on na ang mga nakalapas sa 3meter easement ug nagpahigayon usab ang TFGsB og mga clean-up drive, consultative meetings lakip ang information ug education campaigns.
Gitug-an ni Baclayon, ang siyudad adunay gihimo nga initiative sama sa cash for work program nga itanyag ngadto sa mga apektado nga pamilya. (BANAT NEWS)
- Latest
