PRO-7 mo-deploy og 6 mil ka polis

CEBU, Philippines — Andam na ang Police Regional Office (PRO)-7 sa pagbantay sa seguridad subay niining Holiday season ilabi na karong DIsyembre 24, 2023 nga mao ang bisperas sa Pasko.

Inabagan sa pwersa sa Armed of the Philippines (AFP), Philippine Coast Guard (PCG) ug ubang ahensiya sa sa security sector nakahan-ay na ang ilahang deployment kini aron masiguro ang seguridad sa katawhan.

Gani gawas a 6,000 ka mga police nga unang gi-deploy dili lang sa mga simbahan apan apil na sa ubang lugar nga tapukan og daghang tawo sama sa mga malls, terminals ug uban pa gidungagan sa PRO-7 ang ilahang pwersa aron mamentinar ang kahapsay ug kalinaw sa tibuok sa Central Visayas.

Si Police Regional Office (PRO)-7 Regional Director Brigadier General Anthony Aberin sa wala pa nag Misa de Gallo nangunay gyud sa pagsusi sa mga simbahan ug ubang dapit isip kabahin sa ilang pagpangandam Yuletide season.

Epektibo sab ang deployment nga gihimo sa kapulisan tungod kay wala’y mga dagkong panghitabo nga natala sukad sa pagsugod sa Misa de Gallo gawas lang sa ginagmay nga panghitabo sama sa problema sa dagan sa trapiko ug kining pagsugwak sa daghang tawo.

Nakaplastada sab ang Police Assistance Desks sa mga dapit aron maduolan sa mga tawo kun dunay mga concerns.

Samtang subling miapelar ang Police Regional Office-7 sa katawhan sa Central Visayas nga mokooperar aron masiguro nga magsaulog kita sa Pasko nga malipayon, luwas, hapsay ug malinawon.—  IBM (BANATNEWS)