CEBU, Philippines — Modeklara og state of calamity si Mayor Junard "Ahong" Chan sa duha ka dapit sa Barangay Pusok, Siyudad sa Lapu-Lapu nga naigo sa dakong sunog diin liboan ka residente sa lugar ang nawad-an og mga panimalay.
Temporaryo karon nga gipahimutang ang mga biktima diha sa ilawom sa Marcelo Fernan Bridge nga nagsilbi nilang evacuation center diin gibutangan kini og mga tulda ug trapal.
Base sa taho ni Superintendent Tito Purgatorio, fire marshal sa siyudad nga ilang nasayran nga ang kayo unang nagsugod sa panimalay ni Jeane Albos.
Matud ni Si Purgatorio nga niabot hangtud sa fourth alarm ang ilang pagdeklara sa maong sunog hangtud nga hingpit nilang gipaubos ngadto sa under control ang kayo.
Si Purgatorio nagkanayon nga wala pa nila matataw ang gidk-on sa danyos ug ingon man ang hinungdan sa pag-ulbo sa sa kayo tungod kay nagpadayon pa ang imbestigasyons nga ilang gihimo.
Ang Lapu-Lapu City Social Welfare Services (CSWS) ug ang Department of Social Welfare and Development Office (DSWDO) ang nakatala na og 1,022 ka tawo nga naepektohan sa sunog sa Purok Sta. Maria ug Sitio Seaside parehong sa Barangay Pusok sa maong siyudad. (BANAT NEWS)