P23 bilyong nga budget sa Probinsiya sa Sugbo sa sunod tuig aprobado na

CEBU, Philippines —  Aprobado na sa Sangguniang Panlalawigan ang P23 billion nga budget sa Probinsya  sa Sugbo alang sa tuig 2024.

Walay pagsupak sa mga miyembro sa hunta probinsiyal sa pag-aproba sa maong

appropriation ordinance kagahapon atol sa regular session niini.

Sayo pa, Si Gobernador Gwendolyn Garcia nagkanayon nga sa giduso nga budget

alang sa sunod tuig P12 bilyones niini ang alang sa development programs ug

proyekto sa lalawigan.

“We continue to invest billions on infrastructure projects to maximize our economic

potential and health services”, matud ni Garcia. Apil sa naglangkub sa maong pundo

mao ang P3.5 bilyones nga alang sa pagtukod ug pag-ayo og mga dalan, taytayan

apil ang street lighting; P3.3 bilyones ang alang sa water system development

program; laing P3.5 bilyones alang sa construction ug pagpalambo sa mga hospital,

health facilities lakip na ang pagpalit og medical supplies ug ekipo; P3.8 bilyones ang gigahin sa operasyon sa mga tambalanan ug public health services.

Gigahinan usab sa Kapitolyo og pundo ang padayon nga pagpatuman sa mga countryside ug food sufficiency program sama sa Sugbu Negosyo program,

Sugbusog, Sugbu Kahanas ug Tindahan sa Kapitolyo diin matag programa gigahinan  og tag P100 milyones sa sunod tuig.

Human sa pag-aproba sa provincial board, pirmahan kini ni Garcia aron mamahimo  na nga magamit dayon ang pundo sa unang quarter sa sunod tuig. (CEBU NEWS)