CEBU, Philippines — Moabot 2.5 toneladang sagul-sagol nga basura ang nakuha gikan sa nagpadayon nga desilting operation sa Wangyu River sa Alaska, Barangay Mambaling sa Dakbayan sa Sugbu.
Ang pagpanglimpyo gisugdan niadtong Nobiyembre 24 hangtud sa 25, 2023. Ang maong mga basura nagtipun-og na sud na sa dugay nga panahon ug karon pa malimpyohan sa molingkoray pa nga bag-ong kapitan nga si Seller Salvador.
Human sa Barangay Mambaling gisunod usab sa paglimpyo sa mga empleyado sa DEPW ang Lahug River sa Barangay T. Padilla.
Si Reymarr Hijara, pangulo sa Cebu City Environment and Natural Resources Office miingon nga nagtinguha silang sa sunod tuig maseryuso gyud sa tanan ang hustong pagbahig sa mga basura.
Adunay ipahigayon unya nga 14th Cebu Citywide Cleanup Challenge nga gikatakda karon Disyembre 9, 2023 nga parte sa gikatakdang pangusgang kampanya sa hustong pagbahig sa basura.
Magsugod kini gikan sa mga panimalay, buhatan, balay patigayon pribado man o publiko diin kinahanglan bahigon nang daan ang mga basura una pa ilabay. — /IBM (BANAT NEWS)