Win-win solution sa problema sa easement gitinguha
CEBU, Philippines — Gipasalig ni Retired General Melquiades Feliciano nga mangita og win-win solution uban sa mga business establishments nga nasuta nga nakalapas sa three-meter easement dinhi sa dakbayan sa Sugbo nonot sa iyang opisyal nga paglingkod isip chief implementer sa Task Force Gubat sa Baha karong semanaha.
Suma pa ni Feliciano sa interview sa Sugboanon Channel nga bisan kaniadto nga wala pa siya itudlo sa posisyon ubos sa TF-Gubat sa Baha, miabag na siya sa pagpangita og pamaagi aron masulbad ang pagbaha dinhi sa dakbayan.
Lakip sa iyang gihimo mao ang pagsusi sa mga lugar nga naila nga kanunay nga makasinate og pagbaha.
Sa nasayran si Feliciano bag-ohay lang usab nga gitudlo isip bag-ong chairman sa Metropolitan Cebu Water District MCWD.
Suma pa sa kanhi IATF Visayas chief implementer of Covid-19, nga ang City government nakahan-ay na sa lain-laing solusyon ug plano aron masulbad ang pagbaha.
Lakip sa gitan-aw nga solusyon mao ang infrastructure, pagtrabaho sa drainage ug agianan sa tubig.
Ang ikaduha mao ang mga polisiya nga kinahanglan nga ipatuman apil na ang pagkontrolar sa tinubdan sa tubig.
“Where is it coming? From upstream, control the run-offs…There are already identified sites, asa ang impounding areas 8 to 12 hectares…Then in low-lying areas-control, Cebu city already has a policy on this, that every establishment, kailangan naa kay cistern,” suma pa ni Feliciano.
Ang pagbaton og cistern kun pundohanan sa tubig gikan sa mga panimay hangtud na sa mga establisamento daku na kayo nga tabang sa siyudad sa problema niini sa tubig.
“It reduces the problem, Magamit pa ni nimo sa inyong community and also big establishment,” dugang pa ni Feliciano.
Gipadayag niini nga makig-estorya siya sa mga tag-iya og bay patigayon aron hisgutan ang win-win solution sa problema sa easement.
“We will sit with them, talk with them for a win-win solution…Naa naman gyud ng building diha, dili man pud na basta na lang na gub-on tanan,” segun ni Feliciano. — /MEL (BANAT NEWS)
- Latest
