Common poster area giandam sa Comelec diha sa Carcar
CEBU, Philippines — Mokabat sa 24 ka common poster area ang gitagana sa Commission on Election sa dakbayan sa Carcar nga maoy mahimong magamit sa mga magpapili sa nagsingabot nga Barangay ug Sangguniang Kabataan Elections 2023.
Suma pa ni Comelec Officer Omar Sharif Mamalinta ang maong common poster area nga ilang gitagana didto ra mahimo nga makabutang sa ilang mga campaign materials ang mga mokandidato.
Gipahibawo usab ni Mamalinta nga nagpahigayon na sila ug pagpanangtang sa mga campaign materials nga gipahimutang sa mga wala gidesignar nga lugar.
Dili mominos sa 100 kg ang ilang nalangkat diin ilang gibisita ang 15 ka barangay ug kadaghanan sa ilang nalangkat nga mga campaign materials nakuha gikan sa Poblacion 3, Guadalupe, Can asujan, Valladolid, ug Tuyom.
Samtang gipanghatag na usab sa Comelec ang guidelines sa mga dili angay nga buhaton sa mga kandidato aron dili sila mag-atubang og kaso gumikan sa ilang mga kalapasan. (BANAT NEWS)
- Latest
