CEBU, Philippines — Makadawat og dakong ganting salapi ang mahimong mananaug sa Kawayan Festival nga pagahimoon sa Barangay Casili sa siyudad sa Mandaue karong Oktubre 22, 2023.
Kini maoy kabahin sa mga kalihokan nga gipasiugdahan sa mga nagdumala sa tinuig nga pangilin sa Barangay Casili nga pagaapilan sa lima ka mga contingent nga gi-cluster sa matag purok.
Ang makadaug sa ikatulong ganti sa indigay sa Kawayan Festival sa Barangay Casili ang makadawat og P30,000.00 ug P40,000.00 usab ang madawat nga ganting salapi alang sa ikaduhang mananaug sa maong indigay.
Samtang madawat usab sa modaug sa unang ganti ang P50,000.00 ug P5,000.00 nga consolacion prizes alang sa dili modaug nga contingent.
Gihimo ang indigay sa Kawayan Festival sa Barangay Casili sa pagpasundayag usab sa lumad nilang produkto nga ginama sa kawayan nga naglakip sa mga lingkoranan,lantay ug uban pa. (BANAT NEWS)