Seguridad sa mga sam-ang gipangandaman
CEBU, Philippines — Ilimnong makahubog sulod sa mga sementeryo panahon sa kalag-kalag karong Nobiyembre 1 ug 2.
Suma pa ni Police Lieutenant Colonel Christian Torres, hepe sa City Investigation Detection and Management Unit (CIDMU) ug tigpamaba sa Lapu-Lapu City Police Office (LCPO) nga naandan na nga ipatuman ang hugot nga seguridad sa mga sam-ang panahon sa kalag-kalag.
Kini aron malikayan ang kagubot sud sa menteryo diin sagad dagsaan sa mga tawo.
Dugang ni Torres nga sigurohon sa kapolisan ang paghatag og seguridad sa katawhan nga moduaw sa ilang mahal sa kinabuhi nga mitaliwan diha sa mga sam-ang atol sa pagsaulog sa kalag-kalag.
Nasayran lakip sa gipangandaman sa mga otoridad mao ang pagpahigayon sa Barangay ug Sangguniang Kabataan Elections BSKE karong Oktubre 30 ug ang kapistahan sa Birhen sa Regla karong Nobiyembre 20 ug 21, 2023.
Kaabag gihapon sa kapolisan sa Lapu-Lapu sa paghatag og seguridad ang mga sakop sa coast guard Navy, Philippine Air Force (PAF) ug mga force multipliers apil na ang grupo sa mga volunteers ug mga barangay tanod. (BANAT NEWS)
- Latest
