31 ka pusher nasikop sa duha ka adlaw nga SACLEO
CEBU, Philippines — Mokabat sa 31 ka pusher ang nasikop sa Lapu-Lapu City Police Office (LCPO) sa duha ka adlaw nga Simultaneous Anti-Criminality Law Enforcement Operation kun SACLEO ug nasakmit ang 82.23 gramo nga shabu.
Si Police Lieutenant Colonel Christian Torres, pangulo sa City Investigation Detection and Management Unit (CIDMU) ug tigpamaba sa LCPO miingon nga lakip sa ilang nadakpan ang usa ka High Value Individual (HVI) ug pito ka Streel Level Individual (SLI) nga mga pusher.
Suma pa ni Police Colonel Elmer Lim, director sa LCPO nga gihingusgan usab nila ang operasyon sa mga wanted person ug nasikop ang 11 ka mga ordinary wanted persons.
Samtang nasikop sa kapolisan sa LCPO ang pito ka tawo nga nalambigit sa ilegal nga sugal ug nasakmit ang mga ebidensiya nga naglakip sa mga gambling paraphernalia ug ingon man salaping cash nga nagkantidad og P1, 445. Nasakmit usab ang lima ka armas nga way lisensiya ug nasikop ang naghupot niini.
Sa buy bust operation sa barangay Cogon Pardo dakbayan sa Sugbo nasikop ang usa ka lalake nga nasakmitan ug P340mil nga balor sa ginadili nga drugas.
Ang nasikop naila nga si Junmar Parami, alyas Olok, 34anyos, ulitawo, residente sa maong dapit ug gikonsiderar nga High Value Individual top 10 Regional Level.
Sa laing bahin nadakpan sa mga sakop sa Philippine Drug Enforcement Agency (PDEA) Negros Oriental Provincial Office ug Bacong Municipal Police Station ang tulo ka illegalista sa buy-bust operation sa Purok Sto. Niño, Barangay Buntis, Lungsod sa Bacong, Negros Oriental.
Ang mga suspek giila nga sila si Rosauro Alaman alyad Yuyu, tig mentinar sa drug den, 52 anyos, ug pag-umangkon niini nga si John Aragones, 49 anyos, visual artist ug ang tigbisitahan sa drug den nga si Sheena Mae Dayao, 37 anyos. Rowena D. Capistrano, Decemay P. Padilla, MEL (BANATNEWS)
- Latest
