Dear Atty. Divine,
Minyo ko sud na sa lima ka tuig ug duna mi duha ka anak. Ang akong problema kay every time nga mahubog akong bana ug mag-away mi iya gyud kung dapatan. Makadaghan na kini niya buhata bisan atubangan sa akong mga anak. Karong bag-o nag away mi ug iya na sab kung gibun-og. Unsay akong buhaton aron makalingkawas ko aning akong kahimtang? Daghang salamat.
Cheryl
* * *
Dear Cheryl,
Way katungod ang si bisan kinsa nga mopasakit nimo lakip na ang imong bana. Aron mahunong na kining iyang pagpamun-og nimo, mamahimo kang mopasaka og kasong kalapasan sa Republic Act 9262 kon Anti-Violence against Women and their Children batok sa imong bana tungod sa physical ug psychological violence nga iyang gibuhat nganha nimo. Ang maong kaso usa ka criminal case busa mamahimo siyang mabilanggo kun siya mapamatud-an niini. Mamahimo sab ka nga mo-apply og Barangay Protection Order kon BPO sa inyong barangay aron di na siya makaduol nimo. Ang BPO good for 15 days lang kana so after sa Barangay modangop ka sa korte aron sa pagpangayo og Permanent Protection Order aron di na siya makaduol niini. Mas maayo sab nga magpa medical exam ka sa public hospital aron naa kay proof sa iyang pagpamun-og then magpa blotter ka sa police. Imong hangyoon ang police nga tabangan ka sa pagpasaka og kaso. You have to do something aron makalingkawas ka sa imong sitwasyon karon. God bless you always.
Atty. Divine
Alang sa inyong pangutana, palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.