CEBU, Philippines — Duha ka truck nga walay tabon nga nagdagan diha sa Cebu South Coastal Road (CSCR) ang gipangdakop niadtong miaging gabii.
Si Jonathan Tumulak, pangu sa City of Talisay-Traffic Operation Development Authority (CT-TODA) nagkanayon nga estrikto sila labot niini gumikan kay mao kini ang usa sa makapeligro sa motorista.
Kini ilabi na nga ang ilang karga magtagak-tagak diha sa kadalanan samtang magdagan.
Ang mga sakop sa CT-TODA nagpatrolya sa dihang nakabantay sa dagkong truck nga nagbiyahe nga nagkarga og graba nga way tabon ug sila mismo ang magsunod sa paglimpyo aron kalikayan ang disgrasya sa mga motorista.
Matud pa ni Tumulak nga tag P500 pesos ang ilang multa human sila naisyuhan og citation ticket.
Ang CT-TODA pirme nalang makaresponde sa mga nagtagak-tagak nga karga sa truck ma graba, bas o mga semento. MEL (BANATNEWS)