CEBU, Philippines — Gidagsaan og gatusan ka mga debotos ang gipahigayon nga 37th Original Marian Song Festival diha sa SM Seaside niadtong Biyernes nonot sa pagsaulog sa birthday sa Birhen Maria. 14 ka mga awit alang kang Maria ang giawit atol sa kalihukan diin dunay tulo nga napilian nga maoy labing nindot.
Kini mao ang "Heaven Sent", Music ni Jay-ar Librando, Words pinaagi ni Jay-ar Librando, ang arranger mao si Ching Alegado, Interpreter: Froilan Amal Jr.
Ikaduha mao ang "Among Rayna, Oh Birheng Maria" Music ni Neil Salarda, Words: John Willace Tubalde, ang arranger mao si Neil Salarda ug Interpreter: Shenahia Postero.
Ikatulo ang "Hinungdan sa among Kalipay", Music ni Joseph Barulo, Words ni Joseph Barulo, arranger: Joseph Barulo, nga giawit ni Angelica Bacus; Marianne Navesis; Charismatic Oyo-a.
Tanan nga niapil sa maong kalihukan gihatagan ug plaques isip pagpasalamat sa ilang pag-apil ug natampo para sa kalampusan sa maong kalihukan. Ang WAF Spiritual Director Auxiliary Bishop Ruben Labajo, D. D nitug-an nga ang mahal nga Birhen Maria dili na kinahanglan mopakita kanato tungod kay nakadungog kini siya sa atong mga pangaliyupo.
Dugang pa sa Obispo, ang mahal nga Birhen Maria nag-uban kini sa panaw sa katawhan tungod kay gitugyan kini siya sa iyang anak nga si Hesukristo nga sama sa usa ka inahan nga mahimong kadangpan. (BANAT NEWS)