CEBU, Philippines — Gilusad sa kagamhanan sa Siyudad sa Mandaue ang mga kalihokan nga molungtad og usa ka bulan alang sa pagsaulog sa Ika-54 ka tuig nga Charter Day sa Siyudad sa Mandaue nga gikatada sa Agosto 30, 2023.
Si Kristian Marc Cabahug nga maoy executive director sa gihan-ay nga mga kalihokan miingon nga adunay dakong kalainan ang gihan-ay nilang mga kalihokan karon kun itandi sa nangaging katuigan.
Kun kaniadto ang mga partisipante gikan sa nagkadaiyang departamento lang sa kagamhanan, karon apilon na ang ubang sektor sa katilingban.
Karong tuiga mopresentar ang tanang sektor nga naglakip sa magpapatigayon, mga barangay tanod, mga senior citizen, mga barangay official ug uban pa. Naglakip sa mga kalihokan nga gihan-ay mao ang torneyo sa pag-ugnat sa kusog sa mga batan -on ug mga senior citizen.
Paghatag og pasidungog sa pinili nga mga kawani ug mga magpapatigayon nga nagbayad og tukmang buhis ngadto sa kagamhanan sa maong dakbayan. IBM (BANATNEWS)