Pekeng polis daghan  og reklamante-Oriol

CEBU, Philippines —  Lalaking nga nagpakaaron-ingnong polis nga nadakpan sa kapolisan sa Presinto  3  sa  Mandaue City  Police  Office (MCPO) giingong daghan na og nabiktima sumala pa sa kapolisan.

Ang suspek nga gidakop human gisumbong sa 15-anyos nga dalagitang iya untang pakigkitaan giila nga si Gabriel  Santino Tac-an nga taga Avalon Condominium sa Ayala Business Park, Brgy. Hipodromo.

Si  Police  Lieutenant   Colonel  Franc  Rudolf  Oriol, deputy for operation  nagkadaghan ang mga tawong midangop kanila ug nisumbong nga nabiktima sila sa maong suspek sa nagkalain-lain niining modus operandi.

Usa sa matud pa reklamo, manghuwam kini og gamit apan iyahang ipamaligya sa uban. Atol sa pagdakop kang Tac-an, si Oriol nagkanayon nga ang 15- anyos nga dalagita giagni sa suspek sa pagsakay  sa iyang SUV aron mangadto sila og motel bugti sa P3,000.00

Ang team  sa kapolisan sa Presinto 3 nga gipangulohan sa ilang hepe nga si Police Captain Emmanuel  Rabaya atol sa pgkasikop niini ang nakasakmit og mga ebidensiya nga naglakip sa duha ka sachets nga shabu, walay lisensiya nga mga armas ug mga bala, bulletproof vest ug uniporme sa polis.

Si  Oriol miingon nga lakip karon sa ilang susihon ang tindahan sa Siyudad sa Sugbo nga maoy gipalitan sa gisul-ob niining uniporme sa polis. (BANAT NEWS)