28 ka beneficiaries sa Sugbo Negosyo maapil sa One Cebu Expo
CEBU, Philippines — Mokabat sa 28 ka mga Sugbo Negosyo beneficiaries ang maapil sa umaabot nga One Cebu Expo karong umaabot nga Agosto 8-12 diha sa usa sa mga mall sa dakbayan sa Sugbo.
Kining 28 ka exhibitors maoy nag-una o top performers sa gihimong screening ug assessment sa technical working group sa Sugbo Negosyo program.
Sila gipili gikan sa liboan ka mga benefeciaries ubos sa buhatan ni bise gobernador Hilario Davide III ug 17 ka mga provincial board members.
Sa 28 nga naapil alang sa umaabot nga expo, 10 niini ang sulod sa sunod nga round sa assessment process nga himoon sa gitawag nga “mystery shoppers”. dayon ang kaning 10, ipaubos sa intensive mentoring program uban sa Mandaue Chamber of Commerce and Industry sa dili pa mapili ang top 3 winners sa maong programa.
Ang Kapitolyo nigahin og 100 million alang sa Sugbo Negosyo program nga karon anaa na sa second round diin moabot na sa 10,000 ka mga micro ug small entrepreneurs sa Probinsya ang nakapahimulos niini. (BANAT NEWS)
- Latest
