National Achievement Test dumalahon sa DepEd

CEBU, Philippines — Ang Department of Education (DepEd) maoy modumala sa National Achievement Test alang sa Grade 10 (NATG10) sa School Year (SY) 2022-2023 karong Hunyo 27, 2023.

Ang NATG10 himoon ngadto sa mga Grade 10 learners sa tanang rehiyonal nga buhatan, schools‘ division offices (SDOs), ug sa mga tunghaan nga nagtanyag og Grade 10 curriculum mapubliko man o ma pribado pinaagi sa paper-based modality.

Sa nasayran ang NATG10 maoy usa sa exit assessments ubos sa national assessment

framework sa K to 12 Basic Education Program.

Kini gi desenyo aron masuta kun aduna bay nakat-onan o nakakuha ba sa learning standard ang mga Junior High School (JHS). Ang resulta sa system assessments maoy magsilbing giya alang sa pagpalambo sa implementasyon sa curriculum.

Suma pa sa DepEd nga ang pasulit molangkub kabahin sa 21st Century Skills (Problem Solving, Information Literacy, ug Critical Thinking) gamit ang learning areas sa English, Mathematics, Science, Filipino, ug Araling Panlipunan. — /MEL (BANAT NEWS)