CEBU, Philippines — Gipahimanguan sa lokal nga kagamhanan sa lungsod sa Sante Fe sa isla sa Bantayan ang mga turista nga magbantay sa ilang pagkaligo sa dagat gumikan sa pagdaghan sa jellyfish sa kadagatan sa lungsod.
Aron nga makalikay niini ug ma enjoy ang bakasyon ug pagkaligo sa dagat, ang local nga kagamhanan niawhag sa publiko nga mosunod sa mga advisories sama sa pag-obserbar sa warning signs; pagsul-ob og protective clothing nga motabon sa lawas.
Ang maong pasidaan gipadangat sa LGU sa ilang official social media account.
“consider wearing a wetsuit or other protective clothing that covers your skin to minimize direct contact with jellyfish tentacles. This can provide a physical barrier and reduce the chances of getting stung” pagbasa sa ilang pahibawo.
Apil pud sa ilang abiso ang paggamit og jellyfish repellents ug paglikay sa sabay nga makit-an sa dagat.
Kon ugaling mapilitan sa sabay, dali nga mohaw-as sa tubig ug mangayo og medical nga atensyon.
Ang lungsod sa Santa Fe, maoy usa sa mga sikat nga white sand beach ug tourism destination sa Probinysa sa Subo nga kanunay bisitahon sa mga turista dili lang sa lokal apil na usab sa mga langyaw.