Mga opisyal sa duha ka lungsod sa Albay mibisita sa Mandaue
CEBU, Philippines — Gibisita sa mga opisyales sa Lungsod sa Daraga ug Camalig sa Lalawigan sa Albay ang siyudad sa Mandaue sa tuyo nga ilang masayran ang mga best practices nga gihimo sa siyudad nga maoy hinungdan sa naangkon niini nga kalamboan.
Ang mga opisyales sa duha ka mga lungsod sa Lalawigan sa Albay mibisita sa buhatan ni Mandaue City Mayor Jonas Cortes sa tuyo nga ilang masusi ang mga best practices nga ilang magamit sa pagpalambo sa ilang lungsod. Si Region-5 DILG Director Arnaldo Escober Jr. maoy nangulo sa mga opisyales sa Daraga ug Camalig sa ilang pagbisita sa Mandaue City.
Lakip sa ilang tinguha nga masayran ang gihimo sa siyudad sa Mandaue sa pagpalambo sa mga buhatan sa Business Permit & Licensing Office "BPLO", - EBPLS City Planning ug Performance Governance System sa Office of the Strategy Management.
Sila si Mayor Jonas Cortes uban sa mga konsehales, Maline Cortes- Zafra, Jimmy Lumapas, Malcolm Sanchez, Jen Del Mar, Cynthia Cinco-Remedio maoy niabi-abi sa mga bisita. (BANAT NEWS)
- Latest
