31 ka armchairs gihatag ngadto sa Manipis National High School
CEBU, Philippines - Moabot sa 31 ka mga armchairs ang gihatag ngadto sa Manipis National High School niadtong miaging adlaw.
Si konsehal Eduardo “Digul” Gullas III, chairman sa Committee on Education nipadala niini tungod sa kakuwang sa mga lingkuranan sa tunghaan.
Matud pa ni Gullas nga ang kompleto nga kahimanan sa pagtungha makatabang sa pagpalambo sa edukasyon sa kabataan.
Samtang nisuroy sab ang grupo ni Gullas sa tunghaan sa Barangay Tanke.
Sila nagdala og mga pagkaon alang sa mga tinun-an ug magtutudlo sa Tanke Daycare Center, Tanke Elementary School ug Tanke National High School nga gitumong nila alang sa kalihukan sa mga magtutudlo.
Nipakita sab sa ilang mga talento ang mga tinun-an nga usa sa mga paagi nga makita ang ilang abilidad. (CEBU NEWS)
- Latest
