Illegal nga sugal gihingusgan pagsumpo sa kapolisan sa LCPO
CEBU, Philippines — Gihingusgan sa kapolisan sa Lapu-Lapu City Police Office (LCPO) sa pagpangsikop ang mga nagpasiugda og ilegal nga sugal nga naglakip sa derby sa kaka nga gipustahan sa mga sugarol.
Sa gipahigayon nga pagpangronda ilang nadakpan ang lima ka mga lalaki nga nagpasiugda og derby sa kaka sa Barangay Basak, Siyudad sa Lapu-Lapu.
Si police Colonel Elmer Lim, director sa LCPO miingon nga ang lima naaktohan sa nagpatrolya nga mga polis sa Presinto 4 uban ang grupo sa mga lalaki nga nagpaaway sa kaka.
Nakabulhot sa pagpanagan ang grupo sa mga lalaki, apan lima niini ang nakalitan ug nasignit sa kapolisan ug wa na makalihok hinungdan nga nadakpan.
Laing nasikop sa kapolisan nga nagpatrolya mao ang mga nagtigbakay sa hilit nga lugar sa barangay Basak.
Sa maong pagpangronda ilang nadakpan ang 13 ka mga sugarol sa tigbakay.
Si Lim miingon nga bisan ang mga nag-madjong nga walay permit ilang giisip nga illegal nga sugal hinungdan nga duna usab silay nadakpan sa gihimong pagpangronda. (BANAT NEWS)
- Latest
