Pantalan sa liloan buksan na karong buwana
CEBU, Philippines — Gipaabot nga hingpit na nga buksan sa kataposan niining buwan sa Mayo ang pantalan sa lungsod sa Liloan nga maka-serbisyo na sa mga pasahero gikan sa Visayas padulong sa mga silingang probinsya sa Bohol, Leyte ug bisan sa Camotes Islands ug sa Metro Cebu.
Si Kongresista Duke Frasco sa kinto distrito nagkanayon nga dako ang matabang sa maong pantalan ilabina sa oras sa pagbyahe sa mga pasahero sa Norte sa Sugbo ug kadtong sa Metro Cebu.
“The Port will significantly cut travel time, alleviating the difficulties of the traveling public from the northern parts of Metro Cebu who commute daily on the way to their respective workplaces in the cities of Mandaue, Lapu-Lapu and Cebu” matud ni Frasco.
Gipanglantawan usab kini nga mahimong “gateway” sa mga lungsod sa Norte sama sa Compostela ug sa siyudad sa Danao.
Matud ni Frasco ang pag develop sa maong pantalan namugna niadto pang 2015 atol sa ulahi niya nga termino pagka mayor sa Liloan ug naaprobahan kini niadtong 2017 sa dihang nahimo siya nga Commissioner sa Cebu Port Authority.
Ang groundbreaking niini nahitabo niadtong Oktubre 22, 2019.
- Latest
