Rama: Dili motambong sa flag raising, dili kauban
CEBU, Philippines — Gitahasan ni Cebu City Mayor Michael Rama ang mga konsehal sa siyudad nga maoy mangulo sa ilang regular nga flag-raising ceremony.
Giingong nabantayag nga pipila lang sa mga konsehal ang makatambong sa flag ceremony matag adlaw’ng Lunes. Ang mga empleyado gimandoan usab nga mangulo sa presentasyon sa mga kalamposan ug programa sa ilang tagsa-tagsa nga departamento.
“Starting this week, it’s going to be the city councilor’s time as well. Ang councilor na ang mo preside kay sige’g wala para manunga”, matud ni Rama atol sa ilang flag retreat.
Nagkanayon si Rama nga ang dili motungha ug moapil sa flag-raising ceremony wala sa iyang habig. “Dili gani manunga, dili na nato kauban. Ang Mayor sige’g attend flag ceremony, sige attend flag retreat, and dili manunga, dili ta kauban, dili”, ni Rama pa. Matud ni Rama nga ang mga konsehal kinahanglang ubanan niya dili lang sa victory stand lakip sa mga paningkamot.
“Kauban ra ginganlag daug, unya kauban gani sa pag-unong unya wala mo, dili ta kauban”, matud ni Rama. Ang regular nga flag ceremony matag Lunes dako kaayo’g kahulogan alang sa mayor tungod kay kini maoy tukmang panahon nga makig-estorya sila sa mga empleyado ug mag-update kanila sa mga kalamboan nga gitinguha sa kagamhanan sa siyudad ingon man sa pipila ka importanteng anunsiyo. Panahon usab kini nga ang lain-laing departamento ug buhatan lakip na ang buhatan sa bise mayor ug mga Konsehal sa siyudad sa pagpakita sa ilang mga programa ug serbisyo.
Gipahibawo usab sa mayor niadtong Biyernes sa hapon nga magpahigayon usab og regular nga flag retreat ceremony.
“Nganong hadlok man kaayo mo’g flag retreat? Kay wa pa gani alas singko, toa na mo’s bandy clock. Sakspan! so mao na diha!,” nagkanayon dugang ni Rama. (Caecent No-ot Magsumbol/BDB) (BANAT NEWS)
- Latest
