CEBU, Philippines — Nanumpa kagahapon atubangan ni Cebu City mayor Michael Rama sa City Hall ang bag-ong konsehal sa Barangay Duljo Fatima nga si Reynante Langi.
Kini human siya maoy nipuli sa mitaliwan nga konsehal nga si Milo Arenas gumikan sa sakit sa kidney.
Misaksi sa maong pagpanumpa ni Langi mao ang kapitan sa Barangay Duljo Fatima nga si Elmar Abella, pangulo sa Lupon Tagapamaya ug Senior Citizens nga si Vita Padilla ug uban pa.
Si Langi maoy kasamtangan nga GAD Focal sa Barangay Duljo Fatima ug kini usab ang vice chairman sa GAD sa tibuok Dakbayan sa Sugbo.
Siya usab ang chairman sa Committee on Health ug Gender and Development sa barangay nga nilingkod sugod niadtong Marso 1, 2023. - MEL (BANATNEWS)