CEBU, Philippines — Kasagaran sa mga turista nga nibisita karon sa Probinsiya sa Bohol mao ang mga Europeans.
Gitug-an ni Dice Arcenal, ang Tourism Officer sa Dakbayan sa Tagbilaran nga kasagaran ilang nakita base sa accomodations data, daghan karon ang mga Europeans ang nibisita sa Bohol ug aduna usab pipila ka mga Koreans ug Japanese.
Sumala pa ni Arcenal, human sa pandemya nisikad na usab pagbalik ang turismo, diin bisan sa Tagbilaran City anaa na sa dili mominos 80 porsyento na ang pag abot sa turista.
Subay niini gipasalig ni Arcenal nga adunay daghang maanindot nga tourist destinations ang ilang dakbayan.
Si Tagbilaran City Mayor Jane Yap nitug-an nga dili mominos sa 16 ka mga international flights sa ilang airport ug puno-puno na usab ang mga pantalan tungod sa pagdagsa na sa mga turista sa pipila ka bahin sa Probinsya sa Bohol.
Gitug-an sa Mayor nga nibalik na gayud ang Turismo sa Central Visayas ilabi na sila sa Bohol nga maoy usa sa daghan og tourism destination.
Gipadayag ni mayor Yap nga hinay-hinay na nga naka recover ang ekonomiya sa Pilipinas ilabi na sila sa Tagbilaran City sa Probinsya sa Bohol nga maoy usa sa dream destination sa mga turista. — /MEL (BANAT NEWS)