Badjao gipusil samtang natulog

CEBU, Philippines — Patay sa pagpamusil ang usa Badjao sulod sa iyang panimalay Biyernes sa kaadlawon diha sa Sitio Naba, Barangay Mambaling, Siyudad sa Sugbo . Ang biktima giila sa Mambaling Police Station nga mao si Sayid Kan Saying, 24, samtang wala pa mailhi ang mamumuno nga giingong misulod sa imbestigasyon nga gihimo sa Cebu City Police Office, Station 11 nasayran nga gisulod sa mamumuno ang biktima diha sa balay niini samtang natulog.

Sa walay igong hinungdan gipusil kini gamit ang wala matinong kalibre sa armas. Ang biktima nakaangkon og daghang samad pinusilan sa kalawasan nga maoy hinungdan sa iyang kamatayon.

Ang mga sakop sa Cebu City Ambulance Service nga mihiling sa biktima miingon nga wala na kini pulso ug wala na magginhawa sa ilang pagabot.

Sa pagkakaron gihimo pa ang dugang imbestigasyon aron masayran kung unsay motibo sa maong krimen ug si kinsa ang responsable niini. (BANATNEWS)